Assalamualaikum Wr. Wb
Ingkang kinurmatan ibu Andesta Kepala Desa Ajibarang Wetan. Para rawuh warga Desa Ajibarang Wetan ingkang dimulyaaken dening Gusti Allah SWT lan mboten kesupen ibu Alfia ingkang dados ketua sak anggotanipun penyelenggara adicara menika ingkang kula hormati.
Sumangga
kita sareng-sareng panjataken puji syukur dumateng Gusti Allah ingkang Maha Agung ingkang sampun
paring kinten-kinten kenikmatan saha kesarasan dumateng kita sedaya sehingga
kita sedaya saged makempal wonten ing mriki ngantos mboten wonten alangan
satunggal menapa. Shalawat saha salam mboten kesupen kita aturaken dumateng
junjungan Nabi Agung Muhammad SAW ingkang kita ajeng-ajeng syafa’at ing dinten
akhir.
Sederenge
kula matur dumateng panjenengan, kula petugas penyuluhan, nami kula Alfita
Damayanti. Kula diutus saking Dinas Kesehatan Kabupaten Banyumas supados
nerangaken kang hubungane kalih ngrokok dhateng panjenengan sedaya. Kula
ngaturaken sugeng rawuh lan matur nuwun dhumateng para hadirin ingkang sampun
rawuh wonten teng adicara niki.
Bapak
ibu ingkang kula hormati, sakmenika kathah tiyang ingkang remen ngrokok. Saking
bapak-bapak, tiyang ingkang sampun sepuh, bocah sekolah malahan balita ugi
wonten. Rokok menika satunggaling barang ingkang bebayani sanget. Kahanan
menika saya mempriatinken sanget. Amargi tiyang ingkang sampun ngrokok saged
kapancing kangge nggicipi minuman keras lan narkoba. Miturut data saking Dinas
Kabupaten Banyumas taun 2016, tiyang ingkang sampun ngrokok ngantos 70% saking
jumlah penduduk Kabupaten Banyumas. Sanget mempriatinkan mboten? Banjur napa sebeneripun rokok menika? Napa mawon bahayanipun?
Kepripun carane nyegah ngrokok menika?
Bapak-bapak Ibu-ibu, rokok niku
gulungan tembakau ingkang dibungkus kalih sejenis kertas. Rokok kalebu zat
adiktif sebab saged ndamelaken ketagihan lan ketergantungan dumateng tiyang
ingkang ngisep rokok kasebut. Ing sajroning rokok niku wonten
kandungan-kandungan zat kimia ingkang saged mbahayaaken tiyang ngerokok lan tiyang
ing sekitare kebul rokok.
Kebul rokok ngandhut luwih saka
4000 bahan kimia ingkang 200 zat racun lan 43 jenis liyane saged nyebabaken
kanker. Zat kimia kasebut antarane : nikotin, tar, karbonmonoksida lan zat
liyane.
Behayanipun rokok kathah sanget,
tuladhanipun :
1.
Mbebayani jantung
Karbon
monoksida saking rokok sanget ngembangaken kolesteron, menep wontening dinding
arteri. Kepara saged mbekta resiko serangan jantung lan stoke.
2.
Reporduksi lan Fertilitas
Ngrokok
saged ningkataken resiko impotensi, rusaking sperma, ngirangi jumlahing sperma
lan saged nyebabaken kanker testis.
3.
Tutuk lan maos
Ngrokok
saged nyebabaken waos dados reget. Menika ugi saged nyebabaken penyakit gusi
lan rusaking indera pengecap. Ingkang paling mbebayani inggih menika saged ningkataken
kanker wontening lathi lan tenggorokan.
4.
Kulit
Ngrokok
saged ngirangi oksigen ingkang tumuju kulit satemah saged damel kulit ketingal
langkung sepuh utawi keriput lan kulit katon klawu.
5.
Padaran
Ngrokok
saged ningkataken kanker wonten padaran lan resiko kanker wonten ing ginjal,
pankreas sarta kandung kemih.
Bapak, ibu lan sederek sedaya.
Menika wau penyakit-penyakit ingkang dipunsebabaken dening rokok. Sumangga kita
jagi kesarasan. Upaya nyegah ngrokok niku yaiku mboten terpengaruh kanca, ngilari
pergaulan ingkang mboten sae, ngertos bahaya ngrokok lan nglakokna hal-hal
ingkang positif.
Para hadirin ingkang kula
hurmati, mangga kita sareng-sareng mbudidayaake urip sehat wiwit saniki lan
ninggalake rokok sederenge rokok ninggalake kita sedaya kaliyan nganakake
macem-macem penyakit.
Cekap semanten saking kula mbok
bilih wonten klenta klentu anggen kula matur kula nyuwun agunging pangaputen.
Wabillahi taufik wal hidayah,
Wassalamualaikum Wr. Wb.
